बता राजस्थान "बाँ " थारी रीत कठै।
सीस कटियोड़ा धड़ लड़ रहया एड़ा पूत कठै।
गायां खातर गाँव गाँव मे बलिदानी जुंझार कठै।
फेरां सूं अधबीच मे उठतों "बो" पाबू राठौड़ कठै ।
कठै है अब "बा" भामाशाह साहूकार री रीत।
सुख दुख मे सब सागै रेवता बा मिनखा री प्रीत कठै।
मोठ बाजरा रो रोट ओर फोफलिया रो साग कठै।
मारवाड़ सू मेवाड़ तक गूंजता "बी" मीरां रा गीत कठै।
बता राजस्थान "बाँ " थारी रीत कठै।
दुर्गा- पन्ना जेड़ी स्वामिभक्ति री रीत कठै।
बता राणी पद्मणी जेड़ी प्रीत कठै।
कठै है बो "प्रथ्वी" गोरी ने हरबा वालो ।
पतिया साग सुरग मे जावण री रीत कठै।
बता "बाँ "मूमल महेन्द्रा ओर ढोला- मारू री प्रीत कठै।
बता राजस्थान "बाँ " थारी रीत कठै।
बता राणी पद्मणी जेड़ी प्रीत कठै।
कठै है बो "प्रथ्वी" गोरी ने हरबा वालो ।
पतिया साग सुरग मे जावण री रीत कठै।
बता "बाँ "मूमल महेन्द्रा ओर ढोला- मारू री प्रीत कठै।
बता राजस्थान "बाँ " थारी रीत कठै।